Baabeeli Gimbe

Baote Wayi gedensaanni Nohi ooso lowo ooso iltino. Mininsa manni kiiro lexxitino; hakkiinni insa Yihowa yiino garinni gobba woꞌmitino.

Kayinni insa giddo mitu Yihowara hajajama gibbino. Insa togo yitino: ‘Amme katama miꞌnine hakko heeꞌnona. Gordo qasiꞌrino mine miꞌnino. Hakkiinni mannu baalu afinonkere ikkineemmo.’

Yihowa insa assitinore dibaxino; konni daafira insa hakkonne mine mintannota hoolino. Yihowa insa mintannota hoolinohu hiittoonniitiro afootto? Yihowa hedeweelcho insa babbaxxino qaale coyidhanno gede assino. Mittu coyiꞌrannore wolu afannokki daafira mine mina agurtino. Insa mintino katama Baabeeli yinoonni; Baabeeli yaa “Burduuqoho” yaate. Mannu baalu hakkiinni haꞌre, gobba gosate billaalle heeꞌra hanafi. Kayinni kuni manni marinowa busha looso loosa diagurino. Insa giddo Yihowa baxanno manchi nooyya? Aante noo xaggera hakko manchire ronseemmo.