Tini biroshere kaaꞌlitannohehu hiittoonniiti?
Tini biroshere Maganu Qaale yaano Qullaawa Maxaafa xiinxallate kaaꞌlitannohe. Mitte mittente gufora jeefote noo qummeeshshuwa, duꞌminse borreessinoonni xaꞌmuwara dawaro Qullaawu Maxaafi giddo hiikko nooro afate kaaꞌlitannohe.
Tenne Qullaawu Maxaafi qummeeshshuwa nabbawatto woyite, xaꞌminoonni xaꞌmuwa dawaro wodanchi. Yihowa Farciꞌraasine Qullaawa Borro huwatatto gede ate kaaꞌla hasidhanno. —Luqaasi 24:32, 45 nabbawi.
Qaagiishsha: Tenne biroshere giddo qummi assinoonni borro baalanti Yihowa Farciꞌraasine qixxeessitinote.