Atino Yihowa Fajjo Assatto?

Ninke Yihowa Farciꞌraasine hiittoo mannaatiro, hattono loonseemmo loosonna dirijjitenke gara afate yanna gaaꞌmite tenne biroshere nabbawootto daafira galanteemmohe. Tini biroshere, yannankera Yihowa fajjo assinanni heeꞌnoommori ninke ikkinoommota huwatatto gede kaaꞌlitinohe yine ammanneemmo. Xaano Maganunnire rosa, rossanni noottore minikki manniranna jaallakkira kula, qolteno ninke ledo Kiristaanu gambooshshira ganyite gamba yaa agurtooti.—Ibiraawuyaani 10:23-25.

Yihoware rossanni haꞌritto kiiro isi ate mageeshshi geeshsha baxannohero roore affanni haꞌratto. Atino qolte iso baxattota leellishate dandaattore baala assa hanafatto. (1 Yohaannisi 4:8-10, 19) Ikkina Magano baxattota heeꞌratto heeshshonni leellisha dandaattohu hiittoonniiti? Isiha amanyootu seera ayirrisa atenkura kaaꞌlitannohe yineemmohu mayiraati? Qoleno ninke ledo Maganu fajjo assate hasatto heedhannohe gede mayi kaaꞌlannohe? Qullaawa Maxaafa xiinxallisannohehu tenne xaꞌmuwara dawaro afiˈratto gede kaaꞌlannohe; tini qolte, atino minikki mannino “hegere heeshsho agadhitinanni . . . Maganu baxillinni fultinikki heedhinanni” gede kaaꞌlitannoꞌne.—Yihuda 21.

Halaalu doogo aana roore jawaattanninna lophitanni haꞌratto gede koye aanchine qummi assinoonni maxaafa xiinxallatto gede koyinsoommohe . . .