Gordu Nugusi Uullate lowo Atoote (Adinyaye) Abbanno

41 Yihowa Iyyesuusi gordoho nugusa assinosi.—Isaayyaasi 9:6; Daanieli 7:13, 14; Looso 2:32-36

42 Uulla baala gashshanno.—Daanieli 7:14; Maatiwoosi 28:18

43 Bushu mannira marichchi iillannonsaro qaagatto?—Faarso 37:9, 10; Luqaasi 13:5

44 Umo asse cubbo loosi sokkaasinchi suꞌma qaagatto? Iyyesuusi isonna woloota busha sokkaasine hunannonsa.

Kaphphu magannansanna misillansa bulultanno.—Ibraawuyaani 2:14; Ajuuja 20:2, 10

45 Hajajantanno mannira Iyyesuusi lowore danchare assannonsa.—Ibraawuyaani 5:9

46 Hakkunni gedensaanni mittu manchi nafa dixiwamanno.—Isaayyaasi 33:24; Ajuuja 22:1, 2

Iyyesuusi xiwantinnore hiitto asse hursiyooro qaagatto?

47 Mannaho umi uminsara danchuri heeꞌrannosi.—Isaayyaasi 65:17, 21-23

48 Maganu reyino manna qaagannonsa. Iyyesuusi horoonsiꞌre heeshshote qolannonsa. Tenneno reyootenni ka”ate yinanni.—Yohaannisi 5:28, 29; 11:25

49 Bushuullu manni baalu baꞌu gedensaanni ayino direyaanno. Wole agurranna dubbu moichchi nafa diqarrisanno. Mannu umu-umunku heshshote heeshshora hagiidhanni heeꞌranno.—Ajuuja 21:4; Isaayyaasi 65:25; Faarso 37:11, 29