Uullate Iima Hegere heeshsho Hagiirrunni Heeꞌri!
Tenne metsiheete uullanna iimaseenni noore duuchchanka kalanqohu ayeetiro afate kaaꞌlitannohe gede attammoonni. Uulla kalanqo maganira suꞌmu noosita rosattoraati. Ledeno maganu manna mayira kalaqinoronna uullate iimaanni hiitto ikkite heeshshote heeshsho afidhe hagiidhatora dandaatto gede kulleemmohe.
Metsiheetete giddo nooti duuchcha misilla roorsite wodanchite laꞌꞌatto gede kaaꞌlitannohe yine hendeemmo. Seekkite horoonsiꞌrate, misillate midaadoonni noo xiqise qullaawa maxaafa fante nabbawa hasiisannohe. Konne assatenni qullaawu maxaafi giddo noota dancha maganu hedonna hedosino woꞌmitanna laꞌꞌatte maganu marichcho assi yee coyiꞌrinoro umikki nabbabate dandaatto.
Konninni saꞌeno tenne metsiheetenni wole manna kaaꞌla hasiꞌratto ikkanno. Ooso noohero, maganuyire rosiisate horoonsiꞌra dandaatto. Duuchchu manni nabbawa dandaanno ikki gobbara nootto ikkiro, hakku mannino Maganu hedo afe qachchansa kaaꞌlara dandaanno gede misiletenni rosiisattonsara dandaatto.
Tini rosu xiinxallakki lowo atoote (adinynye) afiꞌrattohanna wolu manni uullate iimaanni hegere heeshsho afiꞌre hiitto ikke hagiidha dandaannoro rosiisate doogo fantannohe yine wodaninni halchineemmo.