XAꞌMO 2
Maganu daafira rosa dandiineemmohu hiittoonniiti?
“Kuni Seeru maxaafi afiikkinni hoꞌloonke; giddosi borreessaminore baalankare seekkite haꞌrunsa dandaatto gede, iso barranna hashsha suutunni nabbawi; hatto assittoro, doogokki qinaabbanno; assattoreno hayyotenni assatto.”
Iyyaasu 1:8
“Halaalaanchu Magani Seera amadino maxaafa qoonqonsa gotti assite nabbabbu; yaannoreno xawissenna tittirte kultu; konni garinni gosa nabbambanni coye huwattanno gede kaaꞌlitu.”
Nehimiya 8:8
“Bushuullu amaale haꞌrunsannokki manchi hagiirraamoho . . . , isira tashshi yaannosihu Yihowa seerinniiti; seerasino barrano hashshano suutunni nabbawanno. . . . Assannori baalunkurino qinaannosi.”
Faarso 1:1-3
“Filiphoosi faradi-gaarete mule dodanni manchu masaalaanchu Isayyaasi maxaafa qoonqosi naggi asse nabbawanna macciishshe, ‘Nabbabbanni noottori leellinohe?’ yiisi. Manchuno, ‘Kulannoehu nookkiha mamiinni leellannoe?’ yii.”
“Illete leeltannokkiti Maganu akatta yaano hegere wolqasinna Maganimmasi, alame kalaqantu warinni kayisse xabbe leeltanno; korkaatuno kalaqinore laꞌne akattasi wodancha dandiinanni; konnira kulte gibbannori dinonsa.”
“Lophokki manna baalaho xabbe leeltanno gede kuri coyibba hiinci; hattono woꞌmunni woꞌma kuri coyibba illachishi.”
“Kuꞌu koꞌonne baxillehonna danchu loosira kakkayisa dandiineemmo gede mimmitoho hendo. . . . Mitteenni gamba yaa lashshi assinoonke.”
“Kiꞌne mereero hayyo xeꞌinosihu heeꞌriro, Magano hige hige huucciꞌro; korkaatuno Maganu ayeno mishikkinni baalunkura shaqqillunni aanno; isirano uyinannisi.”