Maganu Qaalinni Ronseemmo Roso

Qullaawu Maxaafi dirinkera kaaꞌlitannota Maganu sokka woy qaale amadinoho. Qullaawu Maxaafi seekkino heeshsho heeꞌranna Magano hagiirsiisa dandiineemmo gara kulannonke. Qoleno aante noo xaꞌmuwara dawaro qolanno:

1 Maganu ayeti?
2 Maganu daafira rosa dandiineemmohu hiittoonniiti?
3 Qullaawa Maxaafa borreessinohu ayeti?
4 Sayinsete ledo heewisiinsiro Qullaawu Maxaafi yaannori garaho?
5 Qullaawu Maxaafi sokka maati?
6 Qullaawu Maxaafi Buuraminohu daafira mayyee masaalino?
7 Qullaawu Maxaafi yannanke daafira mayyee masaalino?
8 Mannu oosora qarra abbannohu Maganoho?
9 Mannu ooso qarrantannohu mayiraati?
10 Qullaawu Maxaafi albillittete yanna daafira kulanno hexxo maati?
11 Mannu reyiro hiikkanno?
12 Reyino mannira mayi hexxo noonsa?
13 Qullaawu Maxaafi loosu daafira mayyaanno?
14 Miinjakki garunni horoonsiꞌra dandaattohu hiittoonniiti?
15 Hagiirre afiꞌrate maa assa hasiissannonke?
16 Yaachishanno coye dandee heeꞌrate kaaꞌlannonkeri maati?
17 Qullaawu Maxaafi maatete kaaꞌlannohu hiittoonniiti?
18 Maganunniwa shiqa dandaattohu hiittoonniiti?
19 Qullaawu Maxaafiti addi addi maxaaffa maa maa amaddino?
20 Qullaawa Maxaafa nabbabbe roore horo afiꞌrate maa assa dandaatto?

QULLAAWU MAXAAFI QUMMEESHSHUWA FAꞌNA DANDIINANNI GARA

Qullaawu Maxaafi giddosi 66 maxaafa amadino. Qullaawa Maxaafa lamu gafira beenkanni: Ibiraawootunna Aramayikete Afiita Qullaawa Borro (“Akkala Gondooro”) nna Girikete Afiita Qullaawa Borro (“Haaro Gondooro”). Qullaawu Maxaafiti roore maxaaffa fooliishshonna kiiro afidhino. Qummeeshsha qummi assinanni woyite, maxaafu suꞌminni aante heedhanno kiiro fooliishsho kultannote; isenni aantannoti kayinni kiiro kultannote. Lawishshaho, Kalaqama 1:1 qummi assiniro, Kalaqama fooliishsho 1, kiiro 1 yaate.