Salamo
I le faatonu o le ʻaufaimusika o le Maalata.+ O le Masekila.* O le salamo a Tavita.
53 Ua faapea ifo le tagata valea i lona loto:
“E leai se Ieova.”+
Ua latou faia amioga leaga, ma faia foʻi amioga inosia i le amiolētonu;+
E leai se tasi ua faia se mea lelei.+
2 A o le Atua, ua ia silasila ifo mai i le lagi i luga o le fanau a tagata,+
Ina ia silafia ai pe e iai se tasi e iai le tofā mamao, o sē e saʻili iā Ieova.+
3 Ua latou fulitua uma lava, ma ua tutusa uma lo latou faapiʻopiʻo;+
E leai se tasi o faia mea lelei,+
E leai lava ma se tasi.
4 Po ua lē iloa ea e i latou o ē e faia mea e tigā ai,+
Ua latou ʻaina loʻu nuu e pei ona ʻaina o meaʻai?+
Ua latou lē valaau atu foʻi iā Ieova.+