Les Témoins de Jéhovah—La foi en action, 2e partie: Que brille la lumière!
Na peko ti so a zi na da ti kanga Ita Rutherford na amba ti lo so a kanga ala na 1919, mbeni kota kua ayeke ku aWamandango Bible. Tongana ti so a sara tënë ni na yâ ti vidéo Les Témoins de Jéhovah—La foi en action, 2e partie: Que brille la lumière!, fade azo mingi ayeke kanga ande lege na aWamandango Bible, gbungo nda ti ye ti ala na ndo ti Bible ayeke kono nga fade a kiri aleke yâ ti atënë ti mabe ti ala (aProv. 4:18; Mal. 3:1-3; Jean 15:20). Na peko ti so mo bâ vidéo ni, mo lingbi ti kiri tënë na ahundango tënë so?
(1) Akode wa aWamandango Bible asara kusala na ni ti sara si nzoni tënë amû ndo? (2) Tokua wa la a sara lani na ngoi ti akota bungbi ti lango oko ti ngu 1931 nga na ngu 1935? (3) Kpengba ye wa asara tënë ni na yâ ti Tour ti Ba Ndo ti lango 1 ti novembre 1939? (4) Fa ye so asi na ngoi ti diskur ti Ita Rutherford so lo mû na Madison Square Garden, so mama-tene ni ayeke: “Gouvernement et paix.” (5) Ngbanga ti nyen diskur ti Ita Knorr so mama-tene ni ayeke: “La paix de demain sera-t-elle de longue durée?” andu bê lani mingi? (6) Na ngu 1942, aye wa aTémoin ti Jéhovah aleke ti sara si fango tënë ti ala amû ndo? (7) Fa tongana nyen na Amerika, Canada nga na Grèce aita atiri lani ngangu na gbele ada ngbanga ti tene ndia ayeda na kusala ti ala. (8) Ngangu wa Ekole ti Guiléad asara lani na ndo ti maïngo ti kua ti fango tënë? (9) Kota kusala wa ato nda ni na 1946? na ngbanga ti nyen? (10) Aye wa aTémoin ti Jéhovah asara lani ti mû lege na ala ti hinga wala sarango ye ti ala ague oko na andia ti Bible? (11) Fa ambeni gbiango ye so abâ gigi na 1970 so amû lege na bungbi ti Jéhovah ti mû tâ gi peko ti aye so ayeke na yâ ti Bible. (12) Tongana nyen bango vidéo so amû maboko na mo ti hinga so Jéhovah ayeke na ngangu na ndo ti ye kue? nga bungbi so ayeke bungbi ti lo? (13) Na lege wa vidéo so amû ngangu na mo ti ngbâ ti fa tënë na ngia na bê atâa akpale so mo lingbi ti tingbi na ni? (14) Tongana nyen e lingbi ti sara kusala na vidéo so ti mû maboko na afami ti e, azo so e yeke manda Bible na ala nga na ambeni zo?
Lango oko oko so ayeke hon ayeke mbeni fini mbaï la ayeke ga na ndo ti kozo mbaï ti aTémoin ti Jéhovah. Mbaï ayeke fa ande nyen na ndo ti angangu so e yeke sara na yâ ti kusala ti fango tënë? Tongana ti so aita ti e asara ândö, zia e ngbâ lakue ti yapu ti “zia lumière . . . aza”!—2 aCor. 4:6.