Tongana nyen la Nzapa afa so lo yeke pensé na awabuburu?

Laso na yâ ti dunia kue wungo ti awabuburu ayeke million 70, na mingi ti ala ayeke causé na azo na yanga ti awabuburu so ahon 200 tongaso. Ye ti mawa ni ayeke so, azo ayeke traité ala nzoni ape tongana ti so asango so ayeke na gbe ni ge afa:

• “Na yâ ti dunia kue, azo ayeke bâ na nene ni ape droit so awabuburu nga na azo so ayeke mä ndo nzoni ape ayeke na ni.”—Association nationale des sourds, États-Unis.

• “Na yâ ti akodro so angbâ ti maï, awabuburu ayeke na popo ti azo so ayeke pauvre mingi nga ayeke ngangu na ala ti wara lege ti manda mbeti, ti sara kua ti nginza wala ti hinga ambeni ye.”—Fédération mondiale des sourds.

Nzapa abâ awabuburu tongana nyen? Nyen la Bible atene na ndö ti awabuburu? Nga tongana nyen la aTémoin ti Jéhovah ayeke mû maboko na ala?

Nzapa abâ awabuburu tongana nyen?

Bible afa so Jéhovaha Nzapa ayeke pensé na awabuburu. Lo ye ti tene a sara ye na awabuburu na lege ni nga ti tene ala bâ nzoni na lege ti afango ye ti lo.

Versê ni: “Mo deba zo ti kangango mê pëpe.”—Lévitique 19:14.

Versê ni: “Nzapa ayeke sara kangbi na popo ti azo pëpe.”—Kusala 10:34.

Versê ni: “Jésus atambela . . . , lo fa nzoni tënë ti Royaume.”—Matthieu 9:35.

Versê ni: Jésus asara si “azo so mê ti ala akanga amä ndo nga azo so yanga ti ala akanga asara tënë.”—Marc 7:37.

Versê ni: “Azo so mê ti ala akanga ayeke mä ndo.”—Ésaïe 35:5.

Nda ti tënë ni: Jéhovah atene kozo awe so azo so mê ti ala akanga ayeke mä ndo.—Ésaïe 29:18.

Tongana nyen la aTémoin ti Jéhovah ayeke mû maboko na awabuburu laso?

Na yâ ti dunia kue, aTémoin ti Jéhovah ayeke fa na awabuburu tënë ti beku so Nzapa amû. E yeke sara ni tongana nyen? E yeke sigi na Bible nga na avidéo ti mandango na Bible na yanga ti awabuburu ahon 100. E yeke manda nga Bible na azo na e yeke sara abungbi na yanga ti awabuburu. E yeke sara aye ni so kue senge senge ti aidé azo kue so aye ti hinga Nzapa. Ngbanga ti nyen? A yeke ndali ti so Jésus atene: “Ala wara ye senge senge, ala mû ni na azo senge senge.”—Matthieu 10:8.

Mo peut ti wara aye ni so kue na ndö ti Internet wala ti téléchargé ni na ndö ti appareil ti mo na lege ti aye so a fa na gbe ni ge:

JW.ORG. Cliqué na ndö ti symbol ti langue so ayeke na nduzu na ndö ti apage kue ti site ni ti wara asango na ndö ti yanga ti awabuburu.

Application JW Library. Installé application so senge senge na ndö ti appareil ti mo, na a yeke mû lege na mo ti téléchargé avidéo wala ti bâ ni na yanga ti awabuburu ahon 100 tongaso.

Aye wa la e sigi na ni ti tene azo amanda na Bible?

Bible na yanga ti awabuburu. Mbeti ti Nzapa ti fini dunia na yanga ti awabuburu ti Amérique la ayeke kozo Bible so a sigi na ni na yâ ti dunia kue na yanga ti awabuburu. A yeke wara fadeso Mbeti ti Nzapa ti fini dunia kue wala mbage ni na gbâ ti ayanga ti kodro na yanga ti awabuburu, nga a yeke zia ambeni na ndö ni ngu oko oko. (Ti bâ liste ti ayanga ti kodro ni wala ti bâ Bible ni na ndö ti Internet, bâ encadré “Mbeti ti Nzapa ti fini dunia na yanga ti awabuburu.”)

• Ti hinga akua so a yeke sara ti sigi na Bible na yanga ti awabuburu, bâ vidéo La Traduction du monde nouveau en entier est maintenant disponible en langue des signes américaine.

• Ti aidé mo na dikongo Bible ni, installé application JW Library. Application so ayeke mû lege na mo ti gue na ndö ti mbeni versê na yâ ti Bible na yanga ti awabuburu.

• Dmytro na Vita ayeke awabuburu, na amolenge ti ala ayeke mä ndo nga ala yeke sara tënë. Bâ tongana nyen la lâ oko oko sewa ti ala awara aye ti nzoni na ngoi so ala yeke bâ dikongo Bible na yanga ti awabuburu.

Avidéo so afa ye na ndö ti Bible. A-Témoin ti Jéhovah asigi na avidéo na yanga ti awabuburu ti aidé azo ti comprendre aye so Bible afa nga ti sara ye alingbi na awango so ayeke na yâ ni so andu . . .

• Azo so asara mariage awe nga na asewa

• Amaseka

• Amolenge

Mandango Bible. Gi ti tene mbeni zo amanda Bible na mo na yanga ti awabuburu, na ngoi so mo ye. Hunda ti tene a fa na mo tongana nyen la e yeke manda Bible na azo senge senge.

Bâ tongana nyen la mandango Bible a-aidé Jeson Senajonon so ayeke na Philippines ti duti na kpengba songo na Nzapa.

Mario Antúnez ayeke lani pasteur ti mbeni eglize na Honduras. Bâ tongana nyen la lo wara kiringo tënë na ahunda so lo yeke na ni na ndö ti Bible, na yâ ti mbaï ti gigi ti lo so li ni ayeke “Mbi yeke lani na gbâ ti ahundango tënë.”

Abungbi nga na akota bungbi. E yeke na agroupe nga na acongrégation na yanga ti awabuburu na yâ ti dunia kue, na lege ni awabuburu awara lege ti manda ye na ndö ti Nzapa nga ti voro lo yenga oko oko. Nga ngu oko oko, e yeke sara akota bungbi na yanga ti awabuburu. Na ngoi ti abungbi nga na akota bungbi ti e, mbeni ita ayeke fa peko ti bungbi ni na azo so amä ndo ape na lege ti signe, nga ti azo so abâ ndo ape, mbeni zo nga la ayeke gbu maboko ti ala ti fa peko ti atënë ni na ala. Ambeti so e sigi na ni na braille, azo apeut ti wara ni senge senge.

• Gi ti wara mbeni congrégation so ayeke nduru na mo.

• Gi ti hinga ye na ndö ti akota bungbi so e yeke sara ni ngu oko oko.

• Gue na dango bê na kuâ ti Jésus, so a yeke mbeni kpengba bungbi so e yeke sara ni ngu oko oko.

Na temps so a dü lani José Luis Ayala so ayeke na Mexique, lo yeke mä ndo ape nga na pekoni lê ti lo kue akanga. Bâ tongana nyen la a aidé lo lani ti ga mbeni zo so ahinga ti fa ye na azo nzoni na ndö ti Bible.