GIGI TI E TI CHRÉTIEN
Aberger so asara kua ndali ti nzoni ti azo ti Jéhovah
Azo mingi ayeke na nzoni bango ndo ape na ndö ti azo so ayeke na komandema. E peut ti comprendre ndani. Azo mingi asara kua na komandema ti ala na lege ni ape tongaso si ala wani abâ nzoni dä (Mi 7:3). E kiri singila mingi so a fa na a-ancien so ayeke na yâ ti congrégation ti sara kua na komandema ti ala ndali ti nzoni ti azo ti Jéhovah.—Est 10:3; Mt 20:25, 26.
A-ancien ayeke nde na azo so ayeke na komandema na yâ ti dunia so. Ala yeke sara kua ti ala ti surveillant ndali ti so ala ye Jéhovah nga na azo ti lo (Jn 21:16; 1Pi 5:1-3). Na gbe ti fango lege ti Jésus, aberger so ayeke aidé awafango tënë oko oko kue ti bâ so ala yeke na yâ ti sewa ti azo ti Jéhovah so ayeke voro lo nga ti ngbâ nduru na Jéhovah. Ala yeke nduru ti wa ataba ti Jéhovah nga ti aidé ala tongana ala wara mbeni ngangu kpale ti seni wala tongana mbeni kota kpale asi. Tongana mo bezoin mungo maboko, sara mbeto ape ti sara tënë ni na mbeni ancien ti congrégation ti mo.—Jac 5:14.
BÂ VIDÉO ABERGER SO ABÂ LEGE TI KUNDU TI ATABA, NA PEKONI KIRI TËNË NA AHUNDA SO:
Tongana nyen la Mariana awara ye ti nzoni na lege ti mungo maboko ti a-ancien?
Tongana nyen la Elias awara ye ti nzoni na lege ti mungo maboko ti a-ancien?
Na peko ti so mo bâ vidéo so, bango ndo ti mo na ndö ti kua ti a-ancien ayeke so wa?