Aye so apeut ti aidé e so ayeke na yâ ti Ngbâ na fini lakue lakue!

Mo ye sarango kua na avidéo nga na ahundango tënë so apusu zo ti fa bango ndo ti lo so ayeke na yâ ti buku Ngbâ na fini lakue lakue!? Ka ti ambage so atene “Ambeni zo atene”, “Gi ti sara ye so,” nga na “Gi nda ti ye”? Ambeni ye wa la mo bâ so apeut ti aidé mo na ngoi so mo manda Bible na mbeni zo?—Mt 28:19, 20.

Avidéo nga na a-article: Tongana mo ye ti sara kua na ti so a-imprimé, tongana nyen la mo peut ti wara hio avidéo nga na a-article ni kue na ndo oko? Na yâ ti format électronique ti buku ni, soro mbeni oko ti akota mbage osio. Na gbe ti molongo ti ali ti tënë ti aye ti manda ni, mo peut ti soro avidéo nga na a-article kue ti mbage ni so. (Bâ foto 1.)

Ti changé ni na “Mode Image”: Tongana mo yeke sara étude na zo na ndö ti mbeni appareil, mo peut ti bâ so ti changé format ni na “Mode Image” ngoi na ngoi na temps ti étude ni ayeke aidé mo. Tongana mo yeke na yâ ti ye ti manda ni, touché apoint ota so ayeke na nduzu na ndö ti lembeti ni na soro “Mode Image.” Lembeti ni so apeut ti aidé mo ti bata na li tongana nyen la mbage so ala yeke sara lisoro na ndö ni ague oko na li ti tënë ti ye ti manda ni. Ti kiri na format électronique, touché apoint ota so encore na soro “Mode Texte.”

“Eskê mbi lingbi awe?”: A-encadré so ayeke nduru na hunzingo ti buku ni afa akota ye so ahunda na mbeni zo so aye ti fa tënë legeoko na congrégation nga so aye ti mû batême. (Bâ foto 2.)

Akete tënë: Akete tënë afa ye na ndö ti ambeni kota tënë. Na yâ ti format électronique ti buku ni a yeke wara mbeni lien na fin ti akete tënë ni so ayeke kiri na mo na place so mo luti dä na yâ ti ye ti manda ni. (Bâ foto 2.)