Maï akode ti fango tënë ti mo—Fango tënë na lege ti caméra wala na ngoi so zo ni ake ti sigi

NDANI SO A YEKE KOTA YE: So aye so awandara asigi na ni nga so sarango ye ti sioni ague na li ni mingi, na yâ ti ambeni kodro, azo ayeke sara lisoro na azo na lege ti caméra nga ti ambeni ndo ni azo ni ake ti sigi. Mbeto alingbi ti sara e ti gi ti fa nzoni tënë na mbeni zo so e lingbi ti bâ lo ape, me so lo la lo lingbi ti bâ e. Adango bê so ge ayeke mû maboko na e ti fa tënë sân mbeto na ando so caméra ayeke dä wala so zo ni ake ti sigi.

LEGE TI SARA NI:

• Duti na nzoni bango ndo. Azo mingi so ayeke na caméra wala so ake ti sigi ayeke yeda ti sara lisoro na e

• Girisa ape so ambeni caméra ayeke komanse ti sara enregistrement ti mo kozo ti tene mo pete sonnerie nga zo ni alingbi peut-être ti bâ mo nga ti mä mo na ngoi so mo si nduru na gbagba ti lo

• Na ngoi so zo ni ake ti sigi wala lo yeke sara tënë na caméra, sara tënë na lo mo bâ mo tene mo na lo ayeke bâ terê lê na lê. He ngia kete nga sara geste tongana ti so mo yeke sara ka. Tene oko tënë so mo leke ti tene tongana fade zo ni asigi. Tongana caméra ayeke dä, zia lê ti mo nduru na ni mingi ape. Tongana zo ni asara tënë ape, zia message vocal ape

• Na peko ti so lisoro ni ahunzi awe, girisa ape so zo ni alingbi ti ngbâ ti bâ mo wala ti mä mo