Ala dabe ti ala na wali ti Lot

Ngbanga ti nyen la wali ti Lot abâ ndo lani na peko na ngoi so lo londo na Sodome lo yeke kpe ti sigi? Bible afa ni ape (Ge 19:17, 26). Aye so angoro wango so Jésus amû so afa so peut-être lo ye mingi aye so lo zia na peko (Lc 17:31, 32). Tongana nyen la e lingbi ti kpe ti nzere na lê ti Nzapa ape tongana wali ti Lot? A lingbi e zia pëpe si tombango peko ti aye ti sese aga na kozo ndo na yâ ti fini ti e (Mt 6:33). Jésus afa so e “lingbi pëpe ti sara kua ti ngbâa na Nzapa nga na Mosoro.” (Mt 6:24). Me nyen la a lingbi e sara tongana e bâ so aye ti sese akomanse ti mû place ti aye ti yingo na yâ ti gigi ti e? E lingbi ti sambela Jéhovah ti mû maboko na e ti hinga aye so a lingbi e sara achangement dä nga ti mû na e ngangu ti sara ni sân mbeto.

DABE TI MO NA FILM NA MBAGE OTA ALA DABE TI ALA NA WALI TI LOT, NGA KIRI TËNË NA AHUNDA SO GE:

• 

  Tongana nyen la pusungo so a pusu Gloria ti gi ti wara gbâ ti nginza asara ngangu na ndö ti pensé ti lo, atënë ti lo nga na asarango ye ti lo?

• Tongana nyen la tapande ti wali ti Lot ayeke mbeni gbotongo mê ndali ti e laso?

• Tongana nyen la sarango ye alingbi na amama-ndia ti Bible amû maboko na Joe nga na sewa ti lo?

• Tongana nyen la akamarade ti Anna ti place ti kua asara ngangu na ndö ti songo ti lo na Nzapa?

• Ngbanga ti nyen a lingbi e sara ye na mbeto ape tongana a pusu e ti zia gingo nginza na kozo ndo na yâ ti fini ti e?

• Brian na Gloria asara tongana nyen ti kiri ti zia aye ti yingo na kozo ndo?

• Amama-ndia ti Bible wa la mo bâ asigi polele na yâ ti film so?