Akode ti fango na tënë

Hundango tënë ni: Ambeni zo adë kite so Jésus ayeke lani biani na fini, me ambeni zo ayeda na ni. Nga ambeni nde atene so lege ti hinga ni ayeke dä ape. Mo tene ti mo nyen?

Mbeti ni: Réveillez-vous ! so asara tënë na ndo ti aye so afa so lo yeke dä wala pëpe.

Hundango tënë ni: Tongana e kui, nyen la ayeke si na pekoni?

Versê ni: Jn 11:11-14

Tâ tënë ni: Tongana mbeni zo akui, fini ti lo ahunzi awe. Ni la, e yeke na bezoin ti sara mbeto ti ye so ayeke si na peko ti kuâ pëpe. Jésus ahaka kuâ na lango. Legeoko tongana ti so lo sara lani na Lazare, lo lingbi ti “zingo” azo ti e so e ndoye ala so akui ti tene ala kiri aduti na fini na ndo ti sese.—Job 14:14.

Mbeti ni: Mbi ye ti tisa mo na mbeni fango tënë ti Nzapa. A yeke fa ande ni na yâ ti Da ti Royaume ti e, ndo so e yeke voro Nzapa dä. [Mû na lo mbeti ti tisango zo na bungbi ni, fa l’heure nga na ndo so a yeke sara ande bungbi ti nda-yenga ni dä, nga fa mama-tene ti diskur ni.]

Hundango tënë ni: Mo gue na mbeni Da ti Royaume kozo awe? [Tongana lege ayeke dä, zia vidéo E yeke sara abungbi ti e tongana nyen?]