Kapa ti tisango azo na kota bungbi ti lango ota

Ngu oko oko, e yeke na ngia ti gue na kota matanga ti yingo so ayeke kota bungbi ti lango ota. Ndali ti so e ye ti tene ambeni zo nga kue atara Jéhovah ti bâ so lo yeke nzoni, e yeke tisa ande azo mingi ti tene ala ga na kota bungbi so legeoko na e (Ps 34:9). Bungbi ti a-ancien oko oko ayeke leke ande ti bâ tongana nyen ti sara kua nzoni na ambeti ti tisango ndo ni.

AYE SO E LINGBI TI BATA NA LI

• Lawa la a yeke sara kota bungbi ti mbi?

• Lawa la a yeke to nda ti kangbi ambeti ti tisango azo ti ndo so mbi yeke dä?

• Lawa la a yeke sara bungbi ti fango tënë ti groupe so mbi yeke dä?

• Nyen la mbi leke ti sara na ngoi ti kapa ti tisango azo ni?

• Azo wa la mbi leke ti tisa ala?

TËNË SO MO LINGBI TI TENE

Na peko ti so mo bara zo ni awe, mo lingbi ti tene:

“E yeke mû mbage na mbeni kota kapa ti tisango azo ti mû na ala mbeti ti tisango ndo so ndali ti mbeni kota bungbi. Na ndo ti mbeti ni, mo yeke wara lango ni, l’heure ni nga na ndo ni. E yeke ande na ngia tongana mo ga.”

TONGANA NYEN LA MO LINGBI TI BI BÊ NA AZO NI?

Atâa so e ye ti tisa azo mingi ti ga na kota bungbi so, e yeke nga nduru ti mû maboko na azo kue so asara nzara ti tënë ni.

Na aweekend, mo lingbi ti zia na azo périodique nga na mbeti ti tisango azo ni.