Maï akode ti fango tënë ti mo: Mû maboko na afini wafango tënë

Ndani so a yeke kota ye: A lingbi azo so aga disciple ti Jésus fini fini amanda ti bata “aye kue” so lo fa, aye so andu nga fango tâ tënë na azo (Mat. 28:19, 20). Afini zo mingi ayeke déjà na asarango ye so amû lege na ala ti zia iri ti ala na Ekole ti Kusala ti aChrétien awe; nga peut-être ala yeke fa tënë na alege kue so azi na azo ti sewa ti ala nga na akamarade ti ala. Me, na ngoi so ala yeke bâ nene ti ye so ala manda nga ala hinga so Jéhovah aye ti tene mara ti azo nde nde kue amä nzoni tënë, a yeke pusu ala ti hunda ti sigigi na fango tënë (aRom. 10:13, 14). Fango tënë ayeke kota ye na yâ ti maïngo ti afini zo na lege ti yingo. Ni la, na peko ti so a yeda ti tene ala ga awafango tënë so ade ti wara batême ape, tongana a fa na ala kode ti fango tënë ni nzoni, a yeke mû maboko na ala ti fa tënë na mbeto ape.—Luc 6:40.