Akode ti fango na tënë

Ti to nda ti a-étude na kozo samedi ti nze ti janvier

“Azo mingi ayeke na abango ndo ti ala wani na ndo ti Nzapa. Ambeni zo apensé ti ala so Nzapa ayeke gi mbeni ngangu tongaso. Ambeni afa lo tongana Babâ ti e ti ndoye so ayeke na yayu. Mo pensé ti mo so Nzapa ayeke tongana nyen?” Zia zo ni akiri tënë. Fa na lo article so ayeke na ndangba lembeti ti Tour ti Ba Ndo ti lango 1 ti nze ti janvier, na manda na lo atënë so ayeke na gbe ti kozo hundango tënë ni; na diko mbeni oko ti aversê so a fa tënë ti yâ ni pëpe. Mû na lo apériodique ni, na mä tere na lo ti kiri ti sara lisoro na ndo ti use hundango tënë ni.

Tour ti Ba Ndo 1 janvier

“E ga ti sara nduru lisoro na ndo ti mbeni tënë so abâ e kue so andu kuâ ti mbeni zo so e ye lo mingi. Mo yeda so kuâ ti mbeni kamarade wala ti mbeni sewa ti e so e ye lo mingi ayeke mbeni oko ti akota kpale so ayeke ngangu na e ti hon ndo ni? [Zia zo ni akiri tënë.] Azo mingi awara dengo bê na lege ti versê so ge. [Diko Ésaïe 25:8.] Mbeti so asara tënë na ndo ti pendere zendo so Nzapa amû ti hunzi ande kuâ na ti zingo azo ti e so akui.”

Réveillez-vous! janvier

“Mo yeda biani so asewa ayeke tingbi laso na angangu kpale mingi? [Zia zo ni akiri tënë.] Versê ti aProverbe so afa ye so a lingbi asewa asara ti tene sewa ti ala aduti nzoni nga akpengba. [Diko aProverbe 24:3.] Azo mingi abâ so Bible la ayeke na anzoni wango ti ndara so zo alingbi ti zia bê dä. Mbeti so asara tënë na ndo ti mbeni site oko so na ndo ni a yeke wara ambeti na ndo ti Bible so alingbi ti mû maboko na asewa senge senge.