Ye ti tene na ndo ti apériodique

Tour ti Ba Ndo 1 octobre

Fa tënë ti mbeni ye so asi na yâ ti kodoro ni. Na pekoni, hunda: “Mo hunda tere ti mo awe ngbanga ti nyen azo ayeke sara mara ti sioni ye tongaso? [Zia zo ni akiri tënë.] Bible amû na e mbeni beku. [Diko 2 Pierre 3:13.] Mbeti so afa tënë so Bible atene na ndo ti aye so ayeke na gunda ti aye ti sioni nga afa tongana nyen Nzapa aga nduru ti futi ni kue kue kue.”

Réveillez-vous! octobre

“Ambeni zo atene Nzapa ayeke gi pupu. Ambeni atene lo yeke bi bê tongana ti e azo. Ka mo, mo tene ti mo nyen? [Zia zo ni akiri tënë.] Bâ pendere tënë so a tene ge. [Diko 1 Pierre 5:6, 7.] Article so ato nda ni na lembeti 29 akiri tënë na hundango tënë so: Nzapa ayeke tâ zo? na kiringo tënë ni so ayeke na yâ ti Bible.”

Tour ti Ba Ndo 1 novembre

“Azo ti abungbi ti vorongo Nzapa nde nde na yâ ti dunia ayeke sambela. Mo pensé so biani Nzapa ayeke mä asambela ti ala na lo yeke kiri tënë na ni? [Zia zo ni akiri tënë.] Bible awa e ti sambela. [Diko aPhilippien 4:6, 7.] Mbeti so afa kiringo tënë ti Bible na ahundango ndo mbasambala so azo ayeke hunda ka na ndo ti sambela.”

Réveillez-vous! novembre

“Ambeni zo so atene Nzapa ayeke dä pëpe abâ so azo ti Nzapa la ayeke na gunda ti aye ti sioni na ala pensé so tongana abungbi ti vorongo Nzapa ayeke dä pëpe dunia ayeke duti nzoni ahon ti so. Mo tene ti mo nyen? [Zia zo ni akiri tënë.] Bâ mbeni raison so asara si abungbi ti vorongo nzapa ti wataka ayeke sara si azo ayeke bâ pasi. [Diko 2 Timothée 4:3, 4.] Mbeti so afa ambeni tënë so ayeke na lege ni pëpe so asigigi na yâ ti atënë ti azo so atene Nzapa ayeke dä pëpe.”