Mû tapande ti mbilimbili ti Jéhovah
1 “L’Eternel aye fango ngbanga ti mbilimbili.” (Ps. 37:28). Tongaso, atâa so lo mû yanga ti futi azo ti sioni ti sese so, lo leke ti tene a gboto mê ti azo kozoni (Marc 13:10). Ye so ayeke ti mû lege na azo ti gbian bê ti ala na ti wara salut (2 Pi. 3:9). E yeke sala ngangu ti mû tapande ti mbilimbili ti Jéhovah? Vundu nga na pono so azo ti sese ayeke na yâ ni ayeke pusu e ti kangbi beku ti Royaume na ala? (aProv. 3:27). Ndoye teti mbilimbili ayeke pusu e ti mû mbage mingi na fango tënë.
2 E fa tënë na salango kangbi pëpe: Na fango tënë ti ye so Nzapa aleke ti sala na azo kue na salango kangbi pëpe na popo ti ala, e yeke “sala mbilimbili”. (Mi. 6:8). A lingbi e tiri na asioni bibe so ayeke ti fâ ngbanga na ndo ambeni zo gi na lege ti ye so lê ti e abâ (Jacq. 2:1-4, 9). Jéhovah “aye azo kue awara salut, na ahinga tene-biani mbilimbili.” (1 Tim. 2:4). Tënë ti Nzapa so ayeke tâ tënë alingbi ti pusu azo ti sala akota gbiango ye na yâ fini ti ala (aHéb. 4:12). Ti hinga ye so alingbi ti pusu e ti ga ndulu na azo na mbito pëpe, même ala so ake ti mä tënë ni kozo.
3 Mbeni koli ayeke ga ka lakue ti vo ye na yâ ti mbeni magazin. Na bango lo, mbeni ita-wali so ayeke sala kua na yâ ti magazin ni ayeke sala mbito ti lo. Ye oko, na ngoi so mbilimbili lege azi, ita-wali ni atara ti fa tënë na lo na ndo zendo ti Nzapa na ndo Paradis. Hio nga na ngangu, koli ni atene so ni mä na bê na atënë ti pande pëpe, ni yeke oko ti ala so ake dutingo ti azo; na yâ bungbi ti e, e yeke gi ndoye na siriri na popo ti e mveni, nga ni yeke nyon mbangi mingi. Me ita-wali ni akiri na peko pëpe. Mbeni lâ, koli ni ahunda na ita-wali ni ye nyen lo tene ti lo na ndo yongoro kuali ti lo. Ita-wali ni, na kode, afa na lo ye so Bible atene na ndo tënë so (1 aCor. 11:14). Bê ti ita-wali ni adö ti bâ so na lango ti peko, lo fâ kuä ti yanga ti lo kue nga lo fâ kuali ti lo! Lo hunda ti manda Bible so mbeni ita-koli ayeke na ngia ti sala ni, nga lo gue na li ni juska lo mû tele ti lo na Nzapa na lo wara batême. Legeoko na koli so, mingi ti ala so ayeke sala na Jéhovah laso akiri singila teti angangu so ala so aga na tokua ti Royaume ayeke sala ka lakue na salango kangbi pëpe na popo ti azo.
4 Na yâ ngoi kete, fade Jéhovah ayeke futi azo ti sioni kue na ndo sese (2 Pi. 3:10, 13). Na yâ ti kete ngoi so angbâ, zia e mû tapande ti mbilimbili ti Jéhovah na mungo na azo kue lege ti sö kua na yâ futingo so ayeke ga na ndo sioni sese ti Satan.—1 Jean 2:17.