Agbanda so azo ayeke gbu na asusu ândö

Ambeni disciple ti Jésus ayeke lani azo ti gingo susu (Marc 1:​16-20). Ala yeke sara kua na agbanda ti gbu na asusu na yâ ti Kota ngu ti Galilée.

A yeke mû lani akamba so a sara na lin si a yeke fü na agbanda. Konongo ti adû ti gbanda ni adépend na mara ti asusu so zo aye ti gbu. Akete gbanda ayeke ronde ronde, a yeke kanga plomb wala tênë na terê ni na tongana a bi ni a yeke ngoro asusu ni na a gboto ni na gigi. Akota gbanda ayeke ati so a kanga aye so ane na gere ni nga a kanga na terê ni aye so ayeke lï ngu ape; a yeke zia ni na yâ ti ngu na pekoni a gboto ni ti gbu asusu ni.

Ngere ti agbanda ayeke lani ngangu. Atênë apeut ti suru ni wala tongana a gbu asusu mingi a peut ti suru (Luc 5:6). Bible asara tënë ti Jacques na Jean so ‘angbâ ti leke agbanda ti ala’, peut-être ala leke ni na suä nga na kamba ti lin (Mat. 4:21). Lakue na peko ti gbungo susu, azo ti gbungo susu apeut ti fü akä ti agbanda ti ala. Luc asara nga tënë ti azo ti gingo susu so ‘ayeke sukula agbanda ti ala’ ti zi asaleté na terê ni (Luc 5:2). Na pekoni, ala yeke zia ni na nduzu ti tene a hule; peut-être ala sara tongaso ti tene agbanda ni abuba ape.—Ézéch. 47:10.

Jésus atisa lani azo so ayeke gi asusu ti ga “azo ti gingo azo.”