Imaginé tongana nyen la ambaï ti Bible apassé

Gbâ ti ambaï ti aye so asi vrai ayeke na yâ ti Bible so akota ye ti manda ayeke dä. Tongana e imaginé ambaï ni, e peut ti mä yâ ti aye so e yeke diko nzoni mingi nga e yeke bâ nzoni dä mingi. Bâ ambeni kode so apeut ti aidé mo ti imaginé ambaï ti Bible la.

• Diko ni na kota go. Tongana mo diko Bible na kota go ayeke aidé mo ti imaginé nzoni tongana nyen la ye ni apassé. Na ngoi so ala yeke diko Bible na sewa, ala peut ti imaginé terê ti ala na yâ ti mbaï ni na lege so azo nde nde adiko atënë ti azo so ayeke na yâ ti mbaï ni.

• Imaginé aye so apassé. Gi ti comprendre pensé ti azo so ayeke na yâ ti mbaï ni nga na atënë ti bê ti ala. Na tapande, hunda terê ti mo: ‘Ngbanga ti nyen la zo so atene tënë so wala lo sara ye so lo sara so? Tongana mbi yeke fade na place ti lo, mbi yeke pensé nyen wala a yeke sara mbi tongana nyen?’

• Sara dessin ti ye so apassé. Tongana mo sara adessin ti aye so mo diko na yâ ti Bible apeut ti aidé mo ti bâ ni na yâ ti li ti mo nga ti dabe ti mo na ambaï ni nzoni même tongana dessin so mo sara ayeke pendere ape.