Aye so ayeke aidé mo ti diko Bible lâ oko oko

So mo yeke na aye mingi ti sara, eskê na ambeni ngoi a yeke ngangu na mo ti diko Bible lâ oko oko? (Jos. 1:8). Tongana a yeke tongaso, gi ti sara mbeni ye so:

• Leke mbeni ye so ayeke dabe ti mo lâ na lâ. Zia alarme na ndö ti téléphone wala tablette ti mo ti dabe ti mo ti diko Bible.

• Zia Bible ti mo na mbeni ndo so mo peut ti bâ ni hio. Tongana mo yeke diko aversê na yâ ti Bible so a imprimé ni, zia ni na ndo so mo peut ti bâ ni hio lâ na lâ.—Deut. 11:18.

• Mä audio ti Bible. Mä ni na ngoi so mo yeke sara akua ti mo ti lâ na lâ. Tara, so ayeke pionnier nga mama ti molenge, so ayeke sara kua na bï, atene: “Mango audio ti Bible na ngoi so mbi yeke sara akua ti da a-aidê mbi ti ngbâ ti diko Bible lâ na lâ.”

• Ngbâ ti sara ni. Tongana mbeni ye abuba kapa ti dikongo Bible ti mo, diko kamême ambeni versê kozo ti lango. Même tongana mo diko gï ambeni versê lâ oko oko, mo yeke bâ nzoni dä.—1 Pi. 2:2.