Jésus “amanda mango yanga”

Jésus ayeke mä yanga ti Jéhovah lakue (Jean 8:29). Tongaso, ngbanga ti nyen la Bible atene: “Lo manda mango yanga na lege ti apasi so lo bâ”?—aHéb. 5:8.

Na ngoi so Jésus ayeke lani na sese, lo vivre aye so ayeke na yayu ape. Na tapande, babâ na mama ti lo aye lani Jéhovah me ala yeke mbilimbili-kue ape (Luc 2:51). Lo gbu ngangu na ngoi so asioni kota zo ti nzapa nga na ti agouvernement asara ye na lo na lege ni ape (Mat. 26:59; Marc 15:15). Nga “lo sara terê ti lo kete na lo ga zo so amä yanga juska na kuâ”, mbeni sioni kuâ.—aPhil. 2:8.

Aye ni so afa na Jésus ti mä yanga, tongana fade lo ngbâ gï na yayu kâ lo yeke hinga ni ape. Tongaso, lo peut ti ga Gbia nga Kota prêtre so ayeke mbilimbili-kue, so apeut ti bâ mawa ti e (aHéb. 4:15; 5:9). Na peko ti so Jésus amanda mango yanga nga lo bâ pasi, Jéhovah aye lo mingi nga lo peut ti sara kua ti Lo nzoni mingi. Tongana e ngbâ be-ta-zo na Jéhovah atâa akpale so e wara, Jéhovah ayeke ye nga e mingi nga e peut ti sara kua kue so lo mû na e.—Jacq. 1:4.