GIGI TI E TI CHRÉTIEN

Aidé azo so amä na bê na Nzapa ape ti hinga Lo so acréé ala

A si na mo awe ti ke ti fa tënë na azo so amä na bê na Nzapa ape ndali ti so mo pensé so ala yeke mä mo ape? Tongana a si na mo awe, girisa ape so azo mingi so amä na bê na Nzapa ape nga na ala so atene Nzapa ayeke dä ape, aga aTémoin ti Jéhovah. Fani mingi, ye so ala bezoin ni ayeke gï ti tene a aidé ala kete ti bâ aye so afa so Nzapa ayeke dä.—aRm 1:20; 10:14.

BÂ VIDÉO HINGA SO AZO SO AYEKE NA MABE APE APEUT TI WARA MABE: AZO SO AYEKE NA YÂ TI MBENI BUNGBI TI NZAPA APE, NA PEKONI KIRI TËNË NA HUNDA SO:

Tongana nyen la ye so asi na Tommaso a-aidé mo ti duti na nzoni bango ndo na ndö ti azo so amä na bê na Nzapa ape?

Kiringo tënë ti mo

Lege ti sara ni

Tongana zo ni atene ni mä na bê na Nzapa ape, sara ye na nzoni bê, na kode nga bâ na nene ni apensé ti lo nga na atënë ti bê ti lo na ndö ti tënë ni (2Tm 2:24). Sara lisoro na ndö ti atënë so peut-être anzere na lo. Eskê lo ye ti sara lisoro na ndö ti aye so ague na azo mingi ti mä na bê na Lo so acréé aye? Tongana a yeke tongaso, sara kua na ambeti ti e nga na avidéo so asigi na ni ndali ni. A zia bochure La vie a-t-elle été créée? nga na brochure Cinq questions à se poser sur l’origine de la vie na yâ ti Agbakuru so e yeke fa na ye na azo ti tene aduti ngangu ape ti wara ni.

Na tongo nda ni, mbeto apeut ti sara mo ti sara lisoro na ndö ti tâ tënë na mbeni zo so amä na bê na Nzapa ape. Hunda na mbeni wafango tënë so ahinga ti sara ni ti aidé mo. Girisa nga ape so Jéhovah apeut ti aidé mo ti ndu bê ti ala so ayeke nduru ti yeda na tënë ni, même tongana na tongo nda ni ala mä na bê so Nzapa ayeke dä ape.—Kus 13:48.