Lege ti sara kua na avidéo ti sarango na étude

E yeke na avidéo osio ti sarango na étude so e yeke sara kua na ni na fango tënë. Nda ti avidéo so oko oko ayeke nyen?

• 

  Nda ti vidéo Ndani nyen ti manda Bible?—Yongoro ni ayeke ti zia nzara ti Bible na yâ ti mbeni zo atâa bungbi ti nzapa wa la lo sara. A yeke encouragé azo so abâ ni ti gi akiringo tënë na akota hunda so andu gigi ti zo na yâ ti Bible nga a fa mbeni nzoni kiringo tënë so akpengba ape so a yeke wara ni dä. A fa tongana nyen la zo apeut ti hunda ti sara étude ti Bible.

• 

  Nda ti vidéo Ndani nyen ti manda Bible? (nduru ni) ayeke legeoko na ti yongoro ni so, me tongana a mû nduru ni so fani ota si alingbi na yongo ti yongoro ni so. A yeke ga peut-être na aye ti nzoni tongana e sara kua na ni na yâ ti aterritoire so azo ni ayeke na ngoi mingi ape ti sara lisoro.

• 

  Nda ti vidéo E yeke manda Bible na azo tongana nyen? ayeke ti zia nzara ti étude ti Bible so e yeke sara na azo senge senge na yâ ti ala nga ti kiri tënë na ahunda so azo ayeke hunda ka na ndö ni, a fa nga tongana nyen la zo apeut ti hunda ti tene a sara étude na lo.

• 

  Nda ti vidéo Bâ tongana nyen la a yeke manda Bible ayeke ti tene a fa ni na azo so ato nda ti manda Bible. A zia nga vidéo ni na lembeti use ti buku Ngbâ na fini lakue lakue! E peut nga ti sara kua na ni na ngoi so e yeke sara lisoro na yâ ti brochure Ngbâ na fini lakue lakue! Vidéo ni afa aye so ayeke na yâ ti buku ni nga afa ye so wamandango Bible ni ayeke bâ ande na ngoi ti lisoro ni.

Atâa so a sara avidéo so oko oko kue ndali ti mbeni mbilimbili ye, e peut ti fa ni na azo wala ti tokua ni na ala tongana bezoin ni ayeke dä. A wa awafango tënë ti gi ti hinga avidéo ni nzoni nga ti sara kua na ni na fango tënë.