Mo yeke gi ti bâ tongana nyen la Jéhovah akiri tënë na asambela ti mo?

Bible asi singo na tapande ti asambela so Jéhovah akiri tënë na ni. Tongana awakua ti Jéhovah abâ tongana nyen la lo mä agingo bê ti ala nga lo mû maboko na ala, kite ayeke dä ape so mabe ti ala ayeke kpengba. Ye oko, a yeke na lege ni ti sara tënë polele na yâ ti asambela ti e wani nga e gi ti bâ tongana nyen la Jéhovah ayeke kiri tënë na ni. E girisa ape so kiringo tënë ti lo apeut ti duti nde na ye so e hunda wala ahon ye so e hunda. (2aC 12:7-9; aÉp 3:20). Nyen la Jéhovah alingbi ti mû na e ti kiri tënë na asambela ti e?

• Ngangu, dengo bê wala mabe ti gbu lê ni na yâ ti mbeni kpale.​—aPh 4:13

• Ndara ti mû mbeni nzoni desizion.​—Jac 1:5

• Nzara ti sara ye nga na ngangu ti sara ye ni so.​—aPh 2:13

• Dengo bê tongana e yeke na gingo bê.​—aPh 4:6, 7

• Amba ti e so ayeke aidé e na aye so e bezoin ni wala so ayeke dë bê ti e nga ayeke kpengba e.​—1Jn 3:17, 18

• Mungo maboko na azo so e sambela ndali ti ala. —Kus 12:5, 11

BÂ VIDÉO JÉHOVAH AYEKE LO SO ‘AMÄ SAMBELA’, NA PEKONI KIRI TËNË NA AHUNDA SO:

• Tongana nyen la ye so asi na Ita Shimizu alingbi ti kpengba e tongana akpale ti seni akanga lege na e ti sara ye mingi tongana ti so e ye?

• Tongana nyen la e lingbi ti mû tapande ti Ita Shimizu?