Fa na azo so mo yeke manda Bible na ala ti manda ye ala wani

Ti tene e mû maboko na azo so e manda Bible na ala ti hinga Jéhovah nga ti tene ala ga aChrétien so akpengba, ala doit ti manda ye mingi ahon atâ tënë so e yeke fa na ala (Mt 5:3; aHb 5:12–6:2). Ala doit nga ti manda tongana nyen ti manda ye ala wani.

Na tongo nda ni, fa na ala tongana nyen ti leke terê ndali ti étude ti ala nga wa ala ti sara ni (mwb18.03 l. 6). Wa ala ti sambela lakue kozo si ala manda ye ala wani. Aidé ala ti wara ambeti ti mandango ye so ayeke na format électronique nga wa ala ti sara kua na ni. Fa na ala tongana nyen ti wara afini ye so asigi na ndö ti jw.org nga na Télé JW. Yeke yeke, fa na ala ti diko Bible lâ oko oko, ti leke terê ndali ti abungbi ti congrégation nga ti sara recherche ti wara akiringo tënë na ahunda ti ala. Aidé ala ti gbu li na ndö ti aye so ala manda.

BÂ VIDÉO MÛ MABOKO NA AZO SO MO YEKE MANDA BIBLE NA ALA TI MANDA YE ALA WANI, NA PEKONI KIRI TËNË NA AHUNDA SO:

• 

  Tongana nyen la Neeta amû maboko na Jenny ti bâ so mandango ye andu gï pëpe hingango akiringo tënë?

• 

  Nyen la amû maboko na Jenny ti hinga biani so Jéhovah ayeke na droit ti kanga lege na lango-sioni?

• 

  Nyen la Jenny aga ti hinga na ndö ti gbungo li?