Fa nzoni tënë so mbeni dunia so ayeke nzoni mingi aga nduru awe!

Na nze ti novembre, e yeke sara effort mingi ti fa nzoni tënë so mbeni dunia so ayeke nzoni mingi aga nduru awe (Ps 37:10, 11; Apc 21:3-5). Leke yâ ti programme ti mo ti mû mbage mingi na kapa so. Tongana mo remplir demande ti pionnier auxiliaire na nze ni so, mo lingbi ti soro l’heure 30 wala 50.

Leke ti fa mbeni versê so asara tënë ti fini dunia na azo mingi tongana lege ayeke dä. Na ngoi so mo yeke soro mbeni versê, gi ti bâ ye so ayeke ndu bê ti azo na yâ ti territoire ti mo. Tongana mbeni zo ayeda na tënë ni na kozo tingbingo terê, mû na lo Tour ti Ba Ndo N° 2 ti 2021. Na pekoni, sara kue ti kiri hio ti bâ lo nga gi ti to nda ti mbeni étude na yâ ti brochure Ngbâ na fini lakue lakue! E yeke wara ngia mingi, tongana e mû mbage mingi na fango “nzoni tënë ti mbeni ye so ayeke nzoni mingi”!—És 52:7.

BÂ VIDÉO TI BIA SO AYEKE NDE FINI DUNIA, NA PEKONI KIRI TËNË NA AHUNDA SO:

• Pendere gigi ti kekereke wa la molenge ti wali so ayeke imaginé ni?

• Nyen la mo yeke ku kungo na yâ ti fini dunia?

• Tongana nyen la ti gbu li na ndö ti beku ti mo ayeke aidé mo ti leke terê ti mû mbage mingi na kapa ti fango tënë na nze ti novembre?—Lc 6:45