ANZONI YE SO AYEKE NA YÂ TI BIBLE

Mû peko ti Jéhovah na bê ti mo kue

Caleb amû peko ti Jéhovah na bê ti lo kue na ngoi so lo de maseka (Jos 14:7, 8)

Na pekoni, Caleb azia bê ti lo na ndö ti Jéhovah ti aidé lo ti sara mbeni ngangu kua (Jos 14:10-12; w04 1/12 l. 12 par. 2)

A futa Caleb lani ndali ti kua so lo sara na Jéhovah na bê ti lo kue (Jos 14:13, 14; w06 1/10 l. 20 par. 11)

Afoto: Mbeni ita-wali so ayeke be-ta-zo ayeke gbu ngangu na yâ ti kpale ti gango mbakoro. 1. Lo gbu canne na ngoi so lo duti, lo yeke sambela. 2. Lo na mbeni ita-wali so ayeke maseka ayeke fa tënë na présentoir. 3. Lo yeke fa afoto na amolenge ti congrégation ti lo. 4. Lo he ngia na bê ti lo kue.

Mabe ti Caleb akpengba lani na ngoi so lo yeke mû peko ti afango lege ti Jéhovah nga lo wara tufa ti lo. E nga kue e yeke wara ngangu ti ngbâ ti sara kua ti Jéhovah na ngoi so lo kiri tënë na asambela ti e nga e bâ afango lege ti lo na yâ ti ambeni ye.—1Jn 5:14, 15.