Sara kua na atapande ti fa akota tënë

Na ngoi so e yeke sara vizite na azo wala e yeke manda Bible na ala, e doit ti aidé ala ti comprendre akota tënë ni. Tongana e sara kua na atapande ti fa na ni, e yeke ndu bê ti ala nga e yeke aidé ala ti girisa ni ape.

Na ngoi so mo yeke leke terê ti mo ndali ti mbeni vizite wala étude, soro akota tënë so mo ye ti mû mbeni tapande ti fa na ni, me pëpe akete kete détail. Na pekoni, soro atapande so ayeke simple so aluti na ndö ti aye so azo ayeke sara lâ na lâ (Mt 5:14-16; Mc 2:21; Lc 14:7-11). Gi ti hinga dutingo ti zo ni nga na akua so lo yeke sara (Lc 5:2-11; Jn 4:7-15). Na ngoi so mo bâ lê ti lo ayeke na ngia ndali ti so lo comprendre mbeni tënë, mo nga kue mo yeke duti na ngia.

BÂ VIDÉO WARA NGIA SO ZO AYEKE WARA NA SARANGO ADISCIPLE—MAÏ AKODE TI MO: SARA KUA NA ATAPANDE TI FA AKOTA TËNË, NA PEKONI KIRI TËNË NA AHUNDA SO:

• 

  Ngbanga ti nyen la azo so e sara étude na ala abezoin peut-être mungo maboko ti mä yâ ti aversê ti Bible?

• 

  Tongana nyen la Neeta asara kua na tapande ti fa tâ tënë so ayeke na aRomain 5:12?

• 

  Nzoni ye wa la atapande alingbi ti sara na ndö ti azo so ayeke mä e?

• Na fango tënë, ngbanga ti nyen la e doit ti sara kua na avidéo nga na ambeni gbakuru ti fango na ye so bungbi ti Jéhovah asigi na ni?