Bâ songo ti mo na Jéhovah na nene ni

E aTémoin ti Jéhovah e yeke na mbeni pasa so ayeke nde mingi. So e mû terê ti e na Nzapa na e wara batême, e ngbâ lakue ti gi ti duti na kpengba songo na Jéhovah so ayeke Seigneur ti dunia kue. Lo gboto e na mbage ti lo na lege ti Molenge ti lo (Jn 6:44). Lo yeke mä asambela ti e.​—Ps 34:15.

E lingbi ti bata pendere songo so e yeke na ni na Nzapa so tongana nyen? Gï tongana e kpe aye ti sioni so azo ti Israël asara lani. Kete na peko ti so ala te mbele na Jéhovah Nzapa, ala sara mbeni kete bagara ti lor na ala voro ni (Ex 32:7, 8; 1aC 10:7, 11, 14). E lingbi ti hunda terê ti e, e tene: ‘Mbi lingbi ti sara nyen tongana mbi tingbi na tara? Eskê asarango ye ti mbi afa so mbi bâ songo ti mbi na Jéhovah na nene ni mingi?’ Tongana e ye Babâ ti e ti yayu mingi ayeke mû maboko na e ti kpe aye so lo ke.​—Ps 97:10.

BÂ VIDÉO BATA SONGO TI MO NA JÉHOVAH (ACL 3:5), NA PEKONI KIRI TËNË NA AHUNDA SO:

• Sarango bê ti ye ayeke nyen?

• Ngbanga ti nyen la a lingbi e ke sarango bê ti ye nga na vorongo ayanda?

• Kamba wa la ayeke na popo ti gingo koli wala wali nde na vorongo ayanda?

• Ngbanga ti nyen la aita so ayeke na kua na yâ ti bungbi ti Jéhovah adoit ti sara kue ti bâ lege ti bezoin ti awali ti ala?