Jéhovah abata azo ti lo

Kozo Pâque so a sara lani ayeke mbeni kpengba ye. Gï na bï ni so, na peko ti so Pharaon aga ti bâ so kozo molenge ti lo akui, lo tene na Moïse: “Ala londo, ala sigi na popo ti azo ti mbi, ala na tanga ti azo ti Israël ni. Ala gue, ala sara na Jéhovah tongana ti so ala tene.” (Ex 12:31). Jéhovah afa lani so lo yeke bata azo ti lo.

Tongana e bâ mbaï ti awakua ti Jéhovah ti ngoi ti e, e yeke bâ polele so Jéhovah angbâ lakue ti fa lege na azo ti lo nga ti bata ala. A fa mbaï ni so na yâ ti musée so ayeke na kota ndokua ti e, li ti tënë ti musée ni ayeke: “Mbeni bungbi ti azo ndali ti iri ti Jéhovah.”

BÂ VIDÉO VIZITE TI MUSÉE TI WARWICK: “MBENI BUNGBI TI AZO NDALI TI IRI TI JÉHOVAH,” NA PEKONI KIRI TËNË NA AHUNDA SO:

• 

  Afini ye wa la awamandango Bible asara kua na ni na tonga nda ti ngu 1914 ti kpengba mabe ti azo na ndö ti Bible? Nyen la a sara na ndö ti azo na ngoi ni kâ?

• 

  Atara wa la asi na ngu 1916 nga na 1918? Nyen la afa polele so Jéhovah la ayeke fa lege na bungbi ni?

• 

  Tongana nyen la awakua ti Jéhovah angbâ ti duti be-ta-zo na lo atâa so ala tingbi na akangango lege?

• 

  Fini gbungo nda ti ye wa la awakua ti Jéhovah ahinga ni lani na 1935? Tongana nyen la andu ala lani?

• Tongana mo sara vizite ti musée ni awe, nyen la mo bâ lani so asara si mabe ti mo akpengba ti hinga so Jéhovah angbâ ti fa lege na azo ti lo nga ti bata ala?