Azo wa la mbi yeke tisa ande ala?

Ngu oko oko e yeke sara kota effort ti tisa azo ti territoire ti ga ti sara Mémorial legeoko na e. Mingi ti azo ni e hinga ala ape. E lingbi nga ti tisa azo so e hinga ala. Azo so e hinga ala so e mû na ala mbeti ti tisango ndo, mingi ti ala peut-être ayeke ga (yb08-F l. 12 par. 1; l. 14 par. 1). Ambeni zo wa la mo lingbi ti tisa ala?

• Afami ti mo

• Amba ti mo ti place ti kua wala ti ekole

• Avoizin ti mo

• Avizite ti mo nga na angbene étude na afini ni

Na ndö ni, a-ancien alingbi ti tisa aita so ayeke fa tënë encore ape. Ka tongana zo so mo hinga lo alango na yâ ti quartier ti mo ape? Ti tene mo hinga l’heure nga na ndo so lo yeke sara Mémorial ni dä, gue na ndö ti jw.org, cliqué na ndö ti ASANGO NA NDÖ TI E, na soro “Dango bê na kuâ ti Jésus.” Na ngoi so mo yeke leke terê ti mo ndali ti Mémorial ti ngu so, gbu li na ndö ti azo so mo lingbi ti tisa ala, na pekoni mû mbeti ti tisango ndo ni na ala.