Nyen la mo lingbi ti manda na lege ti ambeni bia ti e so ayeke nde?

Ambeni bia ti e so ayeke nde so mo ye ni mingi ayeke so wa? Ngbanga ti nyen? Mo pensé so vidéo ti abia ni so afa aye so ayeke si na e lâ oko oko? So ali ti bia ni nga na afason ti hengo ni ayeke nde nde, zo oko oko ayeke wara mbage ti lo dä. Ye oko, ambeni bia so ayeke nde nga na vidéo ti abia ayeke kota mingi ahon mbeni senge ngia.

Abia so oko oko afa akpengba ye ti manda so e lingbi ti sara ye alingbi na ni na yâ ti gigi ti e ti Chrétien nga na kua ti e ti fango tënë. Ambeni bia ni aluti na ndö ti yambango zo, beoko, sarango kamarade, courage, ndoye wala mabe. Ambeni awa zo ti gi ti kiri na Jéhovah, ti pardonné zo, ti ngbâ ti duti be-ta-zo nga ti gi alege nde nde ti sara na Jéhovah. Mbeni bia ni asara tënë même na ndö ti sarango kua nzoni na téléphone. Ambeni kpengba ye ti manda wa la mo wara na yâ ti abia ni?

BÂ VIDÉO TI BIA PARADIS AGA NDURU AWE, NA PEKONI KIRI TËNË NA AHUNDA SO:

• Ye ti nzoni wa so e yeke wara ande so koli na wali so ayeke mbakoro ayeke gbu li na ndö ni?​—Ge 12:3

• Tongana nyen la e lingbi ti kpengba mabe ti e na lege ti ngangu so Jéhovah ayeke na ni ti sara si azendo ti lo aga tâ tënë?

• Pendere ngoi ti tingbingo terê wa la aga nduru mingi awe?

• Tongana nyen la beku ti Royaume amû maboko na e ti gbu ngangu na yâ ti akpale laso?​—aRm 8:25