“Ala ngbâ ti bi bê ti ala na ndö ti aye so”

Aye wa? A-Philippien 4:8 atene na e ti bi bê ti e na ndö ti aye so ayeke tâ tënë, aye so zo ayeke ne ni, aye so ayeke mbilimbili, aye so ayeke nzoni-kue, aye so zo alingbi ti ye ni, aye so a sara nzoni tënë ni, aye so ayeke nzoni mingi nga na aye so a lingbi ti gonda ni. Biani, a hunda pëpe na aChrétien ti pensé lakue gï na ndö ti Bible. Me, a lingbi aye so e gbu li na ndö ni aduti aye so anzere na Jéhovah. A lingbi e gbu li pëpe na ndö ti aye so asara si ayeke ngangu na e ti duti be-ta-zo na Jéhovah.—Ps 19:14.

A lingbi ti duti ngangu na e ti kpe asioni pensé. E doit ti tiri gï na awokongo ti e wani ape, me e doit nga ti tiri na Satan, “nzapa ti aye ti ngoi so.” (2aC 4:4). So lo yeke na komandema na ndö ti aye so a yeke vunga na asango, mingi ti aye so a yeke fa na télé, so a yeke hon na radio, na Internet, abuku nga na ambeti-sango ayeke asioni ye. Tongana e soro pëpe yâ ti aye so e yôro na yâ ti li ti e, pensé ti e ayeke ga sioni nga na nda ni ayeke buba asarango ye ti e.​—Jac 1:14, 15.

BÂ VIDÉO KPE AYE SO ALINGBI TI BUBA DUTINGO BE-TA-ZO TI MO—ASIONI NGIA, NA PEKONI KIRI TËNË NA AHUNDA SO:

• 

  Nyen la ita-koli so ayeke bâ fade na ndö ti téléphone ti lo? A sara ngangu na ndö ti lo tongana nyen?

• 

  Tongana nyen la aGalate 6:7, 8 nga na Psaume 119:37 amû maboko na lo?