Anzoni kusala so a yeke girisa ni pëpe

Awakua ti Jéhovah kue alingbi ti sara mbeni kua ndali ti Jéhovah so a lingbi lâ oko ti girisa ni ape. Tongana ti mbeni babâ wala mama so aye amolenge ti lo mingi ayeke girisa pëpe anzoni ye so amolenge ni asara, Jéhovah agirisa pëpe kusala so e sara na lo nga ndoye so e fa ndali ti iri ti lo (Mt 6:20; aHb 6:10). Biani, ngangu ti zo oko oko nga na dutingo ti lo ayeke nde nde. Ye oko, tongana e sara ngangu kue ti sara kusala na Jéhovah, e lingbi ti wara ngia (aGl 6:4; aCl 3:23). Teti angu mingi, aita-koli na aita-wali saki mingi asara kua na Béthel. Mo lingbi ti sara kua ti volontaire na Béthel? Tongana mo lingbi ape, eskê mo lingbi ti wa ambeni ita ti sara ni wala ti mû maboko na mbeni membre ti sewa ti Béthel ti ngbâ ti sara kua na mbeni lege so ayeke nde so?

BÂ VIDÉO DUTI NDURU TI SARA KUA NA BÉTHEL, NA PEKONI, KIRI TËNË NA AHUNDA SO:

• Nyen la adoit ti pusu mbeni ita ti sara kua na Béthel?

• Ambeni ita atene nyen na ndö ti aye ti nzoni so ala wara na sarango kua na Béthel?

• Aye wa la a hunda ti tene mbeni zo asara ti mû lege na lo ti sara kua na Béthel?

• Tongana nyen la mo lingbi ti sû demande ti sarango kua na Béthel?