GIGI TI E TI CHRÉTIEN
Jésus akui nga ndali ti ita ti mo
Jésus amû fini ti lo na sandaga ndali ti azo so siokpari ayeke na terê ti ala (aRm 5:8). Kite ayeke dä ape so anzere na e so Jésus andoye e na lege so lo mû fini ti lo ndali ti e. Ye oko, na ambeni ngoi a yeke nzoni e dabe ti e so Christ akui nga ndali ti aita ti e. Tongana nyen la e lingbi ti fa mara ti ndoye ti Christ so na mbage ti aita ti e so siokpari ayeke na terê ti ala tongana ti e? Bâ alege ota ti sarango ni. Kozoni, e lingbi ti gi ti zia na popo ti akamarade ti e azo so dutingo ti ala ayeke nde na ti e (aRm 15:7; 2aC 6:12, 13). Use ni, a lingbi e sara hange ti tene mbeni tënë wala ti sara mbeni ye so alingbi ti son bê ti aita ti e (aRm 14:13-15). Na nda ni, tongana mbeni zo ason bê ti e, a lingbi e duti nduru ti pardonné lo (Lc 17:3, 4; 23:34). Tongana e sara ngangu ti mû tapande ti Jésus na yâ ti aye ota so, Jéhovah ayeke ngbâ ti sara si congrégation aduti na siriri nga beoko.
BÂ VIDÉO GA NZONI AHON TI KOZO! NA PEKONI, KIRI TËNË NA AHUNDA SO:
Bango ndo ti Miki na ndö ti congrégation ti lo na tongo nda ni ayeke tongana nyen?
Nyen la asara si bango ndo ti lo achangé?
Tongana nyen la tapande ti Jésus amû maboko na Miki ti leke bango ndo ti lo? (Mc 14:38).
Tongana nyen la aProverbe 19:11 alingbi ti mû maboko na e ti duti na nzoni bango ndo na ndö ti aita ti e?