Job so ayeke be-ta-zo na Nzapa afa agingo bê ti lo

Job agirisa lani aye ti lo kue, amolenge ti lo kue akui nga lo wara mbeni ngangu kobela, me lo ngbâ be-ta-zo na Jéhovah. Ni la, Satan aye ti buba dutingo be-ta-zo ti lo na sarango kua na bê so anze. Akamarade ti lo ota aga. Kozoni, ala sara ye mo bâ mo tene ala bâ mawa ti lo. Me ala duti na tere ti Job lango mbasambala, na ala tene même mbeni tënë so alingbi ti dë bê ti lo ape. Atënë so ala tene asi singo na asioni tënë so ala bi na li ti lo.