Akota ye so a sara na fango tënë

Na Centrafrique, ngoi ti Mémorial ayeke lani mbeni pendere ngoi ndali ti awafango tënë 2563. Atâa so kodoro ni ayeke na yâ ti kota kpale, aita 497 amû kua ti pionnier auxiliaire na nze ti avril, ti tene ala fa tënë mingi ahon ti kozo, na pionnier oko oko asara étude na azo use tongaso. Na lango 14 ti nze ti avril ti ngu 2014, wungo ti azo kue so aga lani na Mémorial ayeke 12736. Wungo ti azo so ahon ti awafango tënë ti yâ ti kodoro ni lege oku. Ye so afa so Jéhovah ayeke iri tënë nzoni na ndo ti angangu so awakua ti lo ayeke sara.—Psaume 127:1.