Akode ti fango na tënë

Ti to nda ti a-étude na kozo samedi ti nze ti décembre

“Azo mingi ayeke ku kiringo ti Jésus. Tongana Jésus ni aga, mbeni ye oko wa la mo ye ti tene lo sara?” Zia zo ni akiri tënë. Fa article so ayeke na ndangba lembeti ti Tour ti Ba Ndo ti lango 1 ti nze ti décembre, na manda na lo atënë so ayeke na gbe ti kozo hundango tënë ni; na diko mbeni oko ti aversê so a fa tënë ti yâ ni pëpe. Mû na lo apériodique ni, na mä tere na lo ti kiri ti sara lisoro na ndo ti use hundango tënë ni.

Tour ti Ba Ndo 1 décembre

“Azo ayeke na aye ti sarango ni mingi na yâ ti fini ti ala, a sara si alingbi ti duti ngangu na ala ti pensé na ndo ti Nzapa. Mo pensé so ayeke nzoni ti tene e zia Nzapa na yâ ti fini ti e? [Zia zo ni akiri tënë.] Na yâ ti fango ye ti lo na ndo ti hoto, Jésus atene so e yeke na bezoin ti aye ti yingo tongana e ye ti duti na tâ ngia. [Diko Matthieu 5:3.] Mbeti so afa araison ota so ndali ni e yeke na bezoin ti Nzapa.”

Réveillez-vous! décembre

“Mingi ti atënë ti azo aluti na ndo ti aye so ala mä na radio, ala bâ na télé wala ala diko na yâ ti ambeti-sango. Mo pensé so asango kue so e yeke mä ni ayeke tâ tënë? [Zia zo ni akiri tënë.] Bible ahunda na e ti sara hange ti yeda na atënë kue so e yeke mä. [Diko Job 12:11.] Mbeti so afa ambeni ye so alingbi ti mû maboko na e ti bâ nzoni yâ ti atënë so e yeke mä wala e yeke diko.”