Dango bê ti Ekole ti Kusala ti aChrétien

Fade a yeke sara lisoro na ndo ti ahundango tënë so ayeke na gbe ni ge na Ekole ti Kusala ti aChrétien na yenga so ato nda ni na lango 28 ti février 2011. Surveillant ti ekole ayeke mû ande li ni na lisoro ti dango bê teti penze-ngbonga 20 so andu adevoir so a sara ti londo na yenga ti lango 3 ti janvier ti si na yenga ti lango 28 ti février 2011.

1. Kusala wa Ezéchias azia na sese na tongo nda ti lengo gbia ti lo? Na tongana nyen e lingbi ti mû tapande ti lo laso? (2 Chron. 29:16-18) [w09 1/6 l. 14 par. 13].

2. Na lâ ni so a kangbi yâ ti royaume ti Israël, mara ti Siméon aduti na mbage wa? (2 Chron. 34:6) [w05 1/12 l. 20].

3. Na lege wa Esdras 3:1-6 afa nga so angu 70 ti dutingo yangbato ti Jérusalem ahunzi tâ gi na ngoi ni? [w06 15/1 l. 19 par. 2].

4. Ngbanga ti nyen bê ti Esdras ason lani ndali ti mariage so azo ni asara na azo ti ndo ni so? (Esdras 9:1-3) [w06 15/1 l. 19 par. 1].

5. “Akota zo” ti Tekoa ayeke lani azo wa? na sioni bango ndo wa so lani ala yeke na ni a lingbi e kpe ni? (Néh. 3:5) [w06 1/2 l. 10 par. 1; w86-F 15/2 p. 25].

6. Na lege wa Gouverneur Néhémie ayeke mbeni nzoni tapande teti a-ancien? (Néh. 5:14-19) [w06 1/2 l. 10].

7. Legeoko tongana ti azo ti ngoi ti Néhémie, tongana nyen e lingbi ti kpe ti mû “da ti Nzapa ti e” tongana ye senge? (Néh. 10:32-39) [w98-F 15/10 l. 21-22 par. 12].

8. Nde na ti “zingo” na aJuif so awoko na yâ ti kusala ti Nzapa ti ala, ambeni ye wa Néhémie asara ti kiri na ala na nzoni lege? (Néh. 13:25, 28) [w06 1/2 l. 11].

9. Esther asara lani lango-sioni na Gbia Assuérus? (Esther 2:14-17) [w06 1/3 l. 9].

10. Ngbanga ti nyen Mardochée ake ti kuku na gbele Haman? (Esther 3:2) [w06 1/3 l. 9].