Ye ti tene na ndo ti apériodique

Tour ti Ba Ndo 1 décembre

“E kue e ye ti duti na ngia. Mo pensé so e yeke na bezoin ti nginza ti duti na ngia? [Zia zo ni akiri tënë.] Mbeni zo ti sungo Bible amanda lani tongana nyen ti duti na ngia na yâ ti kete ye so lo yeke na ni. [Diko aPhilippien 4:11, 12.] Mbeti so afa aye oku so ayeke na yâ ti Bible, so zo alingbi ti sara ti duti na ngia.”

Réveillez-vous! décembre

“Azo mingi ayeke hunda tere ti ala atene: ‘Tongana Nzapa ayeke dä, ngbanga ti nyen lo futi Zabolo pëpe?’ Mo hunda tere ti mo lâ oko tongaso awe? [Zia zo ni akiri tënë.] Na lege ti Bible article so ayeke na alembeti 10 na 11 akiri tënë na hundango tënë so. A fa nga na e dutingo ti dunia na ngoi so Zabolo ayeke duti ande dä pëpe.” Diko Apocalypse 21:3, 4.

Tour ti Ba Ndo 1 janvier

“Azo mingi apensé so acréature ti yingo ayeke dä so ayeke sara ngangu na ndo ti fini ti e. Mo pensé ti mo nyen? [Zia zo ni akiri tënë. Na pekoni diko Apocalypse 12:7-9.] Périodique so afa ye so Bible atene na ndo ti ala, lege so ala yeke sara ngangu na ndo ti e. Périodique ni afa wala e lingbi ti sara tënë na ala wala pëpe.”

Réveillez-vous! janvier

Fa ndo ti mbeti ni na zo ni na hunda lo, “Mo yeke kiri tënë tongana nyen na hundango tënë so? [Zia zo ni akiri tënë.] Bible awa azo ti gi ti duti na siriri. [Diko Jacques 3:17.] Tongana ayeke tongaso, ngbanga ti nyen abungbi ti vorongo Nzapa awara lege pëpe ti bungbi azo oko? Abungbi ti vorongo Nzapa ayeke na ngangu ti sara si azo aduti na siriri? Périodique so akiri tënë na ahundango tënë so.”