Dango bê ti Ekole ti Kusala ti aChrétien

Fade a yeke sara lisoro na ndo ti ahundango tënë so ayeke na gbe ni ge na Ekole ti Kusala ti aChrétien na yenga so ato nda ni na lango 25 ti octobre 2010. Surveillant ti ekole ayeke mû ande li ni na lisoro ti dango bê teti penze-ngbonga 20 so andu adevoir so a sara ti londo na yenga ti lango 6 ti septembre ti si na yenga ti lango 25 ti octobre 2010.

1. Ngbanga ti nyen Jéhovah abi kobela ti buruma na tere ti Gbia Azaria (wala Ozias)? (2 aGbia 15:1-6) [w05 1/8 l. 11 par. 5]

2. Teti so Jotham, gbia ti Juda, akomande gi teti ngu 16 senge, ngbanga ti nyen na 2 aGbia 15:30 a sara tënë ti “ngu bale-use ni” ti komandema ti lo? (2 Chron. 27:7, 8) [it-2 l. 1226 par. 6]

3. “Azo ti Samarie” so a sara tënë ti ala na 2 aGbia 17:29 ayeke lani azo wa? [it-2 878 par. 8]

4. E lingbi ti manda nyen na ndo ti tapande ti Gbia Josias so ayeke na 2 aGbia 22:11, 18-20? [w00 1/3 l. 30 par. 2]

5. Tongana nyen 2 aGbia 25:8, 25, 26 afa tâ na lege ni tongo nda ti gango tâ tënë ti dutingo yangbato ti Jérusalem teti ngu bale-mbasambala? [it-1 l. 402 par. 8–l. 404 par. 1; l. 471 par. 1; w06 1/15 l. 19 par. 3]

6. Na 1 Samuel 16:10, 11 a tene so David ayeke miombe molenge ti Jessé, me Esdras atene ti lo so lo yeke mbasambala molenge ni. Ngbanga ti nyen? (1 Chron. 2:15) [w02 15/9 l. 31]

7. E lingbi ti mû tapande ti azo ti Galaad tongana nyen? (1 Chron. 5:10, 18-22) [w05 1/10 l. 9 par. 7]

8. E lingbi ti manda nyen na mbage ti azo ti mara ti Lévi so ayeke bata yanga ti temple lani? (1 Chron. 9:26, 27) [w05 1/10 l. 9 par. 8]

9. Hengo bia na ngoi ti amolenge ti Israël ayeke lani tâ kota ye mingi? (1 Chron. 9:33) [it-2 l. 359 par. 8]

10. Tongana ti so a fa na 1 Chronique 13:11, ngbanga ti nyen a yeke lani na lege ni pëpe ti tene David asara ngonzo? [w05 1/10 l. 11]