Akota ye so a sara na fango tënë

Na alango ti nda ni so, aye ti ngangu alingbi ti si na ngoi kue nga na ndo kue. Tongana ye tongaso asi, mingi ni aita ti kodoro ni ayeke gi ti dë bê ti azo so asö kuâ. Na Ouagadougou, li-kodoro ti Burkina Faso, na 1 septembre 2009, ngu asuku na abuba ada mingi.

E yeke na ngia ti fa so ita oko akui pëpe. Aita ti mbeni congrégation ti Ouagadougou ague afa tënë na azo so da ti ala akungbi si ala yeke lango gi na yâ ti atente so ngorogbia amû na ala.

Ti bâ so azo ni so amä tënë ti Royaume ni pendere anzere na bê mingi! Même akete molenge aduti na tere ti ababâ na amama ti ala ti mä tënë ni, na tere ti ala anzere mingi ti mä so gi Royaume ti Nzapa si alingbi ti kaï akpale ti azo.

Mbeni musulman atene: “Azo ayeke mû nginza na e, bongo, ndo ti lango nga na ambeni ye nde, me ti tâ tënë ni a yeke tâ ye so e yeke na bezoin ni fadeso la pëpe. Ye so ala yeke sara so, a yeke tâ gi ye so e yeke na bezoin ni la. E ye si a dë bê ti e! Gingo bê ahon ndo ti mbi mingi, me tënë so ala tene so akpengba mbi mingi. A dë bê ti mbi kamême. Ala ngbâ ti ga lakue!”