Atokua

◼ Ambeti ti fa na avril na mai: Tour ti Ba Ndo na Réveillez-vous! Na ngoi ti sarango vizite na azo so asara nzara ti tâ tënë nga na azo so aga na Mémorial wala na ambeni bungbi so ayeke nde so a leke ni, me so ade ala mû mbage pëpe na akusala ti bungbi, sara kue ti zia buku Bible afa nyen biani? na azo. Ye so e zia na gbele e ayeke ti to nda ti manda Bible na azo na yâ ti buku so. Juin: Bible afa nyen biani? Tongana azo ni ayeke na buku ni awe, awafango tënë alingbi ti fa buku kue ti lembeti 192 so akugbe ni aye ti be wala buku kue so a sara ni kozo na ngu 1995. Juillet na août: E yeke sara kusala na abrochure kue ti lembeti 32.

◼ Na ayenga ti kota bungbi ti district, ti circonscription nga na ti lango oko, fade Mandango Bible ti Congrégation, Ekole ti Kusala ti aChrétien nga na Bungbi ti Kusala ayeke duti dä pëpe. Ndali ni, e wa azo kue ti bâ atënë ti ngoi ti abungbi ni so ala wani, ala lingbi peut-être ti sara ni na ngoi ti Mandango tënë ti Nzapa na sewa.

◼ Kota li ti tënë ti diskur so a zia ni nde teti ngoi ti Mémorial ti ngu 2010 ayeke: “Lawa si e yeke wara tâ siriri na nzoni duti?”

◼ Gi na ngoi so ala wara fini mbeti ti bia He bia na Jéhovah, a lingbi ala kangbi ni na aita kue na yâ ti congrégation. A yeke nzoni ala he abia ti yâ ni gi na bungbi ti peko. Ti ku na ngoi so acongrégation kue awara mbeti ti bia ti ala ni, na yâ ti Kusala ti Royaume, a yeke fa anumero ti abia use use. Kozoni ayeke ti fini mbeti ni, na use ni ayeke ti ngbene ni, so a yeke zia ni na yâ ti mara ti ye so ( ).