Atokua
◼ Ambeti ti fa na mars: Bible afa nyen biani? A yeke nzoni awafango tënë azia na li ti ala ti to nda ti manda Bible na azo so ala zia buku ni na ala wala azo so ayeke na buku ni awe. Avril na mai: Tour ti Ba Ndo na Réveillez-vous! Na ngoi ti sarango vizite na azo so asara nzara ti tâ tënë nga na azo so aga na Mémorial wala na ambeni bungbi so ayeke nde so a leke ni, me so ade ala mû mbage pëpe na akusala ti bungbi, sara kue ti zia buku Bible afa nyen biani? na azo. Ye so e zia na gbele e ayeke ti to nda ti manda Bible na azo na yâ ti buku so. Juin: Bible afa nyen biani? Tongana azo ni ayeke na buku ni awe, awafango tënë alingbi ti fa buku kue ti lembeti 192 so akugbe ni aye ti be wala buku kue so a sara ni kozo na ngu 1995.
◼ Gi na ngoi so ala wara fini mbeti ti bia He bia na Jéhovah, a lingbi ala kangbi ni na aita kue na yâ ti congrégation. A yeke nzoni ala he abia ti yâ ni gi na bungbi ti peko. Ti ku na ngoi so acongrégation kue awara mbeti ti bia ti ala ni, na yâ ti Kusala ti Royaume, a yeke fa anumero ti abia use use. Kozoni ayeke ti fini mbeti ni, na use ni ayeke ti ngbene ni, so a yeke zia ni na yâ ti mara ti ye so ( ).
◼ A yeke nzoni ti tene acongrégation amû hio na awafango tënë afini Tour ti Ba Ndo na Réveillez-vous! so ala wara ni. Ye so ayeke mû ande lege na ala ti diko na ti hinga ye so ayeke na yâ ni kozo ti gue ti kangbi ni na fango tënë. Ye oko, a yeke kangbi ambeti ni na fango tënë gi na tongo nda ti nze so ayeke na ndo ni.
◼ Mémorial ayeke duti ande na mardi 30 mars 2010. A yeke he bia 8 na 109, tongana fini mbeti ti bia ni ayeke na congrégation ti ala awe. Tongana congrégation ti ala ayeke sara ka bungbi na mardi, a yeke nzoni ala sara ni na mbeni lango nde ti yâ ti yenga ni. Me tongana acongrégation mingi la ayeke sara bungbi na yâ ti Da ti Royaume oko na ala lingbi pëpe ti sara ni na mbeni ngoi nde, ala lingbi ti miro bungbi ni senge. Tongana mbeni mbage ti Bungbi ti Kusala andu congrégation ti ala, a lingbi ala yôro ni na yâ ti mbeni Bungbi ti Kusala nde.