Ye ti tene na ndo ti apériodique

Tour ti Ba Ndo 1 novembre

“A yeke si na e kue ti tingbi na akpale na yâ ti gigi ti e. [Fa ambeni so ayeke si ka na azo mingi na yâ ti territoire ti mo.] Mo pensé so Nzapa alingbi ti mû maboko na e na yâ ti akpale so? [Zia zo ni akiri tënë.] Na yâ ti versê so Jésus afa mbeni oko ti lege so Nzapa alingbi ti mû maboko na e. [Diko Luc 11:13.] Mbeti so afa ye so a iri ni yingo vulu nga tongana nyen e lingbi ti bâ nzoni na lege ni.”

Réveillez-vous! novembre

“Mo bâ bungbi ti vorongo Nzapa tongana ye so ayeke pusu azo ti duti na ndoye nga na siriri wala mo bâ ni tongana ye so ayeke pusu azo ti ke tere na ti sara ye ti ngangu na amba ti ala? [Zia zo ni akiri tënë.] E bâ so azo mingi asara ye alingbi na atënë ti Jésus so ge pëpe. [Diko Matthieu 5:44, 45.] Mbeti so akiri tënë na hundango tënë so: Zo alingbi ti ndoye awato ti lo?” Fa article so ato nda ni na lembeti 10.

Tour ti Ba Ndo 1 décembre

“Mo pensé so aye kue so a yeke fa na yâ ti a-eglize alondo na Mbeti ti Nzapa? [Zia zo ni akiri tënë.] Mbeti ti Nzapa awa e ti sara hange na afango ye ti wataka. [Diko aColossien 2:8.] Mbeti so asigigi na nda ti afango ye omene so ague nde na Mbeti ti Nzapa.”

Réveillez-vous! décembre

“Ambeni zo atene so Nzapa la acréé dunia, me ambeni atene ti ala so dunia abâ gigi gi tongaso nga dunia abâ gigi gi senge senge. Mo tene ti mo nyen? [Zia zo ni akiri tënë.] Bâ ye so Mbeti ti Nzapa atene ti lo na ndo ni. [Diko aHébreu 3:4.] Mbeti so afa tongana nyen dunia abâ gigi na afa nga ndani so a créé ni.”