Akota ye so a sara na fango tënë

◼ Burkina Faso: Jéhovah ayeke iri tënë nzoni na ndo ti ngangu kua so a yeke sara na gbe ti fango lege ti yingo ti lo. Na nze ti mars, mbeni nze so ndo ayeke chauffé ka mingi, wungo ti awafango tënë asi 1 375. Ye so afa fini guengo na li ni ti azo 9 na ndo ti azo 100 tongana a haka ni na ti ngu ti kusala so ahon.

◼ Filiale ti Centrafrique ayeke na ngia ti wara fini wungo ti awafango tënë 2 515 nga na ti a-étude 5 317 na nze ti mars.

◼ Gabon: Na nze ti février, a manda Bible na azo 9 147 nga a kangbi abuku 9 143. Na ngangu ti Jéhovah, e yeke na beku so kota guengo na li ni ti aye so ayeke mû ande lege ti wara afini wafango tënë na yâ ti ngu so ayeke ga.

◼ Niger: Azo 489 aga na Kota Bungbi ti District ti ngu 2008 “Yingo ti Nzapa afa lege na e”, na azo oku awara batême na ngoi ni so. Wungo ti azo so kue aga nduru ti lingbi na wungo ti awafango tënë ti kodoro ni fani use. Na nze ti mars, tongana a mû awakua 100, 21 na popo ti ala asara kusala ti ngoi kue.