Akota ye so a sara na fango tënë

◼ Gabon: Na nze ti janvier 2009, a wara fini wungo ti awafango tënë, ti abuku so akangbi, ti angbonga so a sara na fango tënë, ti afini visite na a-étude. A mû ngia mingi ti bâ so awakua 3 558 asara ngbonga 85 534; tongana a haka ni na ti oko nze ni ti ngu so ahon, ala sara ngbonga 10 000 na ndo ni.

◼ République Centrafricaine: Azo kue so ague na Kota Bungbi ti District “Yingo ti Nzapa afa lege na e” so atambela na nze ti décembre 2008 nga na janvier 2009 ayeke na ngia ti wara Mbeti ti Nzapa ti fini dunia​—Matthieu​—Apocalypse na yanga ti Sango. Kamême so mbeni Bible na Sango ayeke dä awe, atënë ti yâ ti fini Bible so asua nzoni na alingbi na Sango so azo ayeke tene lâ na lâ.

◼ Kota Bungbi ti District “Yingo ti Nzapa afa lege na e” 20 so a sara na sese ti Togo ahunzi na tongo nda ti nze ti janvier 2009. Wungo ti azo kue so aga asi 37 566, na azo 633 awara batême. Aye so asi so afa polele so tënë nzoni ti Jéhovah ayeke na ndo ti ngangu kusala ti awafango tënë ahon 15 000 na yâ ti kusala ti sarango disciple.